Фестываль-конкурс, які адбудзецца ў перыяд з 1 па 2 красавіка 2024 года, прысвечаны 75-годдзю з дня нараджэння Алеся Уладзiмiравiча Рашчынскага – віднага дзеяча культуры, кампазітара, харавога дырыжора, фалькларыста. Яго імя ўвайшло ў гісторыю нашага каледжа як заснавальніка аддзялення «Народныя харавыя спевы», выкладчыка i мастацкага кiраўнiка народнага хору.

Геаграфія ўдзельнікаў сёлетняга конкурсу дастаткова шырокая: гэта Бабруйск, Кобрын, Слуцк, Баранавiчы, Гомель, Ганцавiчы, Лагойск, Пiнск, Мiнск i Мiнская вобласць. Колькасць канкурсантаў падзяляецца на чатыры ўзроставыя катэгорыі: Катэгорыя А (12-15 гадоў), Катэгорыя В (16-19 гадоў) , Катэгорыя С (ад 20 гадоў) i Катэгорыя D (аўтэнтычная манера спеваў). У склад журы конкурсу ўваходзяць відныя музычныя дзеячы Беларусі і Расіі.

Праграма Фестывалю-конкурсу ўключае ў сябе не толькі конкурсныя праслухоўванні ўдзельнікаў, але і выступленні харавых калектываў i салiстаў каледжа, лаўрэатаў – удзельнiкаў I Фестывалю-конкурсу а таксама майстар-клас Аляксандра Крамко – Заслужанага артыста Рэспублiкi Беларусь, дырыжора Нацыянальнага аркестра народных iнструментаў iмя I.Жыновiча . На закрыцці Фестывалю-конкурсу прымуць удзел лаўрэаты I cтупенi ўсіх узроставых катэгорый.

Нагадваем, што Фестываль-конкурс праводзіцца ў Мінскім дзяржаўным музычным каледжы імя М.І.Глінкі ўжо ў трэцi раз. Арганізацыйную падтрымку мерапрыемству аказваюць Упраўленне культуры Мiнгарвыканкама, грамадскае аб’яднанне «Беларускi саюз кампазiтараў» i грамадскае аб’яднанне «Беларускі саюз музычных дзеячаў».

Спадзяемся, што гэта падзея стане не толькі яркай старонкай у юбілейным годдзе гісторыі нашага каледжа, але і сапраўдным святам для ўсіх яго ўдзельнікаў, арганізатараў, гасцей, а таксама проста аматараў музыкі і людзей, закаханых у беларускую нацыянальную культуру. Запрашаем усіх жадаючых наведаць ІII Фестываль-конкурс народнай песні імя А.Рашчынскага «Агмень».

Праграма:

1 красавiка (панядзелак)

14:30 –Урачыстае адкрыццё III Фестывалю-конкурсу (габеленавая зала)  15:00 – конкурсныя праслухоўваннi катэгорыi С(габеленавая зала)                           16:30 – конкурсныя праслухоўваннi катэгорыi В(габеленавая зала)

2 красавіка (аўторак)

12:00 – працяг конкурсных праслухоўванняў катэгорыі В (габеленавая зала)

12:30 – конкурсныя праслухоўванні катэгорыі А (камерная зала iмя В.С.Савiна)

14:30 – конкурсныя праслухоўванні катэгорыі D (камерная зала iмя В.С.Савiна)

16:30 – майстар-клас  Аляксандра Крамко (габеленавая зала)

17:30 – Гала-канцэрт лаўрэатаў I ступені i розыгрыш Гран-Пры, узнагароджванне ўдзельнікаў, закрыццё III Фестывалю-конкурсу

Чакаем Вас па адрасе г. Мінск, вул. Грыбаедава, 22.

III Фестываль-конкурс народнай песнi iмя А.У.Рашчынскага «АГМЕНЬ» пройдзе 1-2 красавiка 2024 г. ва ўстанове адукацыi «Мiнскi дзяржаўны музычны каледж iмя М.I.Глiнкi»

У рамках Фестываля-конкурсу адбудуцца канцэрты, майстар-класы відных мастацкіх дзеячаў i конкурсныя праслухоўваннi ў намiнацыi «Народныя сольныя спевы» ў чатырох катэгорыях:

А – узроставая група 12-15 гадоў;

В – узроставая група 16-19 гадоў;

С – узроставая група 20 і болей;

D – аўтэнтычная манера выканання (без абмежавання ўзросту).

Запрашаем прыняць удзел усiх жадаючых!

Падаць заяўку

Палажэнне

Інфармацыйны канал у Тэлеграм

Гэты чалавек аддаў свой творчы патэнцыял і імкненне развіваць і ўзбагачаць нацыянальныя культурныя традыцыі ў нашай навучальнай установе. За гады працы А.Рашчынскага ў каледжы народны хор пад яго чуйным кіраўніцтвам атрымаў новае жыццё, папаўняўся рэпертуар калектыву, конкурсная палітра выступленняў і перамог рознага ўзроўню, узмацняліся паступова галасы яго ўдзельнікаў. І менавіта не без усяго гэтага Фестываль –конкурс народнай песні носіць яго імя.

         Геаграфія удзельнікаў конкурсу ахоплівае не толькі ўсе рэгіёны Беларусі, але і Расію. У склад журы конкурсу ўваходзяць відныя музычныя дзеячы Беларусі і Расіі.

Праграма Фестывалю-конкурсу, акрамя конкурсных праслухоўванняў ўдзельнікаў, уключае ў сябе выступленні харавых і аркестровых калектываў, выступленні і майстар-класы відных дзеячаў мастацтваў.